Lucas dhe Theo Hernandez janë gati të luajnë Kampionatin Botëror të parë së bashku.
Didier Deschamps i përfshiu të dy mbrojtësit në listën e kombëtares franceze në Katar 2022, garë që “Gjelat” shkojnë si kampionët në fuqi.
26-vjeçari i Bayern Munchen fitoi Kupën e Botës katër vite më parë në Rusi, teksa shpreson që të festojë sërish në Katar bashkë me vëllanë e tij, i cili po shkëlqen me Milanin në Serie A.
Lucas Hernandez ndjen emocione të forta për faktin që do të jetë në një ekip me vëllanë e vogël.
“Fakti që do të luaj një Kupë Botes bashkë me vëllanë tim në një skuadër, është një ndjesi e pabesueshme. Më bën shumë krenar ky fakt, akoma nuk arrij ta besoj”.
“Do të ishte bukur të luaja, por do të isha më i lumtur nëse do i takonte Theos të luante si titullar”, ka thënë mbrojtësi i Bayern Munchen.
Franca është pjesë e grupit D bashkë me Danimarkën, Tunizinë dhe Australinë. /Telegrafi/