Streameri i njohur Tyler Blevins, ndryshe i njohur si ‘Ninja’, përmes një transmetimi live në kanalin e tij në Twitch, u tha shikuesve të tij se nuk do të kthehet në skenën konkurruese të video-lojës “Fortnite”. Kjo nuk është befasi, pasi ‘Ninja’ nuk ka marrë pjesë në një garë që nga kapitulli i dytë i sezonit të parë.
Blevins gjatë një transmetimi në kanalin e tij, iu tregoj shikuesve të tij saktësisht arsyen pse nuk do të kthehet në skenën konkurruese të Fortnite. Duket se një nga arsyet kryesore është mungesa e profesionalizmit brenda komunitetit.
Një deklaratë të tillë ‘Ninja’, e kishte dhënë edhe vitin e kaluar në transmetimet e tij.
“Çdo komunitet konkurrues është toksik. Në fund të fundit, ata janë ata që luajnë dhe njerëzit që nuk janë aq të mirë sa ata po bëjnë rregullat dhe po e balancojnë lojën që ata e dinë më mirë. Pra, ata kurrë nuk janë të kënaqur” shtoi 30 vjeçari.
Fortnite është një lojë që përqendrohet kryesisht tek adoleshentët, e kjo e bën trajtimin e komunitetit shumë më të vështirë. /Telegrafi/
Ninja giving his thoughts on comp Fortnite 🥷
Thoughts? pic.twitter.com/gzCEbNsLHH
— Fortnite Comp Report (@FNcompReport) February 14, 2022