Lee “Faker” Sang-hyeok po vazhdon me thyerjen e rekordeve në ligën ‘LCK’ në League of Legends.
I cilësuar si lojtari më i mirë i të gjitha kohërave në League of Legends, Faker po vazhdon të tregoj paraqitje fantastike edhe në vitin 2023.
Lajmet për thyerjen e rekordeve nga Faker nuk kanë të ndalur, tani ka thyer një rekord të ri gjatë ndeshjes kundër ekipit KT Rolster.
Ai ka shënuar asistimin e tij të 4.143 në lojë, duke e kaluar legjendën tjetër të LCK, Gorilla i cili tani është trajner i Dplus KIA.
— LoL Esports (@lolesports) January 20, 2023
Faker, do të festojë vitin e tij të 10-të si lojtar profesionist i ligës “LCK” në vitin 2023.
Lojtari 26 vjeçar ka kaluar të gjitha këto vite nën flamurin e ekipit T1, dhe kjo nuk ka gjasa të ndryshojë në të ardhmen e afërt, pasi nënshkroi një kontratë të re me organizatën nëntorin e kaluar.
/Telegrafi/