Ekipi BIG ka mposhtur ekipin FaZe, dje (e enjte), për t’u shpallur kampion të turneut Roobet Cup CS:GO, ku fituan çmimin prej 150.000 dollarësh.
Ndeshjen finale ndaj ekipit FaZe, BIG e fituan me rezultat të përgjithshëm 2-0 me mapa, ku paraqitjen më të mirë e pati Florian “syrsoN” Rische, me 85 eliminime.
Por kjo ndeshje nuk ishte e para që ky lojtar pati paraqitje të mirë, pasi e ndihmoi ekipin e tij drejt fitores së turneut Roobet Cup, dhe u shpall MVP i turneut me vlerësimin nga HLTV 1.23, në 14 mapa.
BIG's @syrsoNCSGO scoops his second HLTV & @BitSkinsCom MVP medal for #RoobetCup 2022! pic.twitter.com/NtMvUgLcv9
— HLTV.org (@HLTVorg) June 30, 2022
Këtë fitore syrsoN dhe ekipi i tij e arritën me ish lojtarin e ekipit k1to, i cili e zëvendësoi lojtarin tjetër të BIG, faveN.
Kjo është medalja e dytë e MVP në karrierën e syrsoN, ku të parin e kishte fituar në vitin 2020 në turneun DreamHack Masters Spring. /Telegrafi/