Lojtari i Astralis Talent, Mikkel “MistR” Thomsen, do të jetë zëvendësuesi i Kristian “k0nfig” Wienecke, për kualifikimet në turneun më të madh të CS:GO IEM Rio Major.
Ekipi Astralis kanë njoftuar se Kristian “k0nfig” Wienecke ka pësuar një “frakturë të komplikuar në kyçin e këmbës” dhe se do t’i duhet pushim për një kohë të pacaktuar.
Ekipi danez do të luftojë në turneun shumë të rëndësishëm për një vend në IEM Rio Major me një nga lojtarët e akademisë së tyre, MistR, i cili supozohet se është paraqitur si lojtari i tyre zyrtar zëvendësues përpara afatit të listës për ngjarjen RMR.
As Kristian @k0nfig Wienecke has unfortunately suffered a complicated ankle fracture, our official reserve, Mikkel MistR Thomsen, will be included in the main roster.@MistRCSGO will be a part of the team for the upcoming RMR.
We wish Kristian all the best and a quick recovery.
— Astralis Counter-Strike (@AstralisCS) September 20, 2022
Kjo do të jetë një goditje e madhe për shanset e ekipit Astralis në turneun kualifikues për Major, ku me datën 4-9 tetor, 16 skuadra do të garojnë në grupin A duke përfshirë FaZe , G2 , NiP dhe Cloud9, ku vetëm tetë do të avancojnë në IEM Rio.
Por kjo nuk është hera e parë që k0nfig është jashtë aksionit pas një dëmtimi të rëndë, në vitin 2021 sa ishte pjesë e ekipit Complexity, ai mungoi për gati dy muaj pasi kishte thyer kyçin e dorës.
Formacioni i Astralis për turneun kualifikues Europe RMR do të jetë si më poshtë:
Lukas “gla1ve” Rossander
Andreas “Xyp9x” Hojsleth
Benjamin “blameF” Bremer
Asger “Farlig” Jensen
Mikkel “MistR” Thomsen
Martin “Trace” Heldt (trajneri)
/Telegrafi/