Tsvetelin “CeRq” Dimitrov mund të jetë afër largimit nga ekipi amerikan Evil Geniuses, pasi nuk do të jetë pjesë e formacionit startues në turneun e Blast.
Evil Geniuses mund të jenë duke eksploruar për ndryshime në listën e tyre parësore në sezonin 2023, sipas raporteve nga Dexerto dhe Dust2.us.
Dy mediat raportojnë se Tsvetelin “CeRq” Dimitrov është lënë jashtë listës së Evil Geniuses për Blast Premier Spring Groups, me Dust2.us duke shtuar se burime të shumta i kanë informuar ata se CeRq nuk do të jetë më pjesë e listës.
Ndërkaq në listën e Evil Geniuses për ngjarjen e Blast janë shtuar Wesley “viz” Harris , Jerric “wiz” Jiang dhe Jeorge “jeorgesnorts” Endicott nga ekipet EG Black , EG White dhe Nouns janë renditur të gjithë së bashku me katër anëtarët e tjerë.
Nga kjo treshe kandidati kryesor për të zëvendësuar Cerq është lojtari wiz, i cili luan rolin e snajperistit tek EG Black.
CeRq ka qenë pjesë e Evil Geniuses që kur organizata bleu të gjithë listën e NRG në vitin 2019.
Bullgari u rendit si lojtari i 18 –të për vitin 2019 nga HLTV dhe ishte një komponent kyç në suksesin e NRG dhe Evil Geniuses.
Me këto ndryshime tek Evil Geniuses kjo do të jetë lista e tyre për turneun Blast Premier Spring Groups:
Vincent “Brehze” Cayonte
Timothy “autimatic” Ta
Sanzhar “neaLaN” Iskhakov
Jadan “HexT” Postma
Jerric “wiz” Jiang
Wesley “viz” Harris
Jeorge “jeorgesnorts” Endicott
/Telegrafi/