Pasi u përfol se Marcelo “chelo” Cespedes do të largohet nga ekipi për tek Imperial, tani synimi kryesor i ekipit MIBR siç duket është snajperisti, Henrique “HEN1” Teles.
Sipas HLTV, MIBR do të njoftojë nënshkrimin e ish lojtarit të ekipit GODSENT, Henrique “HEN1” Teles, për të zëvendësuar vendin e lojtarit chelo, i cili u transferua tek ekipi Imperial për një shumë të raportuar rreth 200.000 dollarë.
Lojtari 27 vjeçar për një kohë ishte jashtë aksionit, dhe pritet të marrë rolin e snajperistit në ekipin MIBR nga lojtari brnz4n.
Ekipi brazilian MIBR për momentin renditet në vendin e 26 -të në ranglistën botërore të CS:GO, dhe me ardhjen e HEN1 do të mundohen që të përmirësojnë paraqitjet e tyre, dhe do të mundohen të bëhen pjesë e turneut Major që do të mbahet në Brazil.
Me ardhjen e HEN1, ekipi MIBR do të duket si më poshtë:
Raphael “exit” Lacerda
Matheus “Tuurtle” Anhaia
Jhonatan “JOTA” Willian
Breno “brnz4n” Poletto
Henrique “HEN1” Teles
Bruno “BIT” Fukuda Lima (trajneri)
/Telegrafi/