Lojtarët e PSG me gjest të madh pas fitores ndaj Dortmundit – ngjiten lartë stadiumit për të festuar me tifozët që qëndronin jashtë shkaku i coronavirusit

Paris Saint-Germain ka kaluar në çerekfinale të Ligës së Kampionëve, pas fitoren ndaj Borussia Dortmundit me rezultat të përgjithshëm 3-2.

Golat për parisienët i shënuan Neymar në minutën e 28-të dhe Juan Bernat në të 45’+1, për të kaluar kështu në rrethin tjetër të garës më të madhe për klube në Evropë.

Ky takim që u zhvillua në Parkun e Princave u zhvillua pa tifozë, shkaku i coronavirusit që ka përfshirë të gjithë botën.

Por, lojtarët e skuadrës franceze pas këtij triumfi kanë hipur në një pjesë të stadiumit, nga aty ku mund t’i shikoni tifozët që qëndronin jashtë.

Nga aty filloi festa e tyre, e që ata i falënderuar përkrahësit për qëndrimin besnik në këtë situatë të jashtëzakonshme. /Telegrafi/