Tottenham Hotspur është përpjekur të forcojë rëndësinë e distancës sociale pasi u shfaqën pamjet e Jose Mourinho dhe disa prej lojtarëve të tij që po kalojnë seanca trajnimi që duket se shkelin masat aktuale të coronavirusit.
Mbrojtësit Davinson Sanchez dhe Ryan Sessegnon u fotografuan duke vrapuar krah për krah me njëri tjetrin të martën dhe kjo shkon kundër rregullave të qeverisë që kërkojnë distancë sociale dy metra ndërsa janë në publik me këdo tjetër përveç familjes ose bashkëshortit.
Mourinho, ndërkohë, u pa me veshjet e tij të stërvitjes, duke mbikëqyrur një seancë të veçantë, të improvizuar për Tanguy Ndombele.
Sidoqoftë, menaxheri i Spurs është i bindur se të gjitha masat për distancimin shoqëror janë respektuar gjatë seancës.
Tottenhami i është përgjigjur incidenteve duke kujtuar lojtarët e tyre për rregullat aktuale që lidhen me krizën e coronavirusit.
“Të gjithë lojtarët tanë janë kujtuar të respektojnë distancën sociale kur ushtrojnë jashtë. Ne do të vazhdojmë ta përforcojmë këtë mesazh”, ka thënë një zëdhënës i Spurs për The Guardian.
Klubi tashmë është kritikuar gjatë pandemisë pasi kryetari Daniel Levy reduktoi njëanshëm pagat e mbi 500 personave të stafit. /Telegrafi/