Llapi nuk ka arritur më shumë se një barazimin 1-1 ndaj Shkupit në ndeshjen kthyese të Ligës së Konferencave.
Ndeshja e parë ishte mbyllur 2-0 në të mirë të shkupjanëve, që kalojnë tutje në raundin e dytë.
Llapi e nisi mirë ndeshjen duke radhitur disa raste në pjesën e parë dhe duke dominuar plotësisht, por fati nuk ishte me ta.
Në pjesën e dytë skuadra e Tahir Batatinës mbeti me një lojtar më pak pasi Bunjamin Emini u ndëshkua me karton të kuq.
Nga kjo përfitoi Shkupi që kaloi në epërsi me golin e Ali Adem në minutën e 78-të.
Por llapjanët arritën shpejtë t’i barazojnë shifrat.
Ishte Drilon Fazliu që shënoi për 1-1 në minutën e 83-të të takimit.
Deri në fund nuk kishte më gola dhe Llapi eliminohet nga garat evropiane. /Telegrafi/