Ramiz Krasniqi kaloi te Liria me shumë bujë dhe pritshmëritë nga prizrenasit janë shumë të mëdha.
Mirëpo, për të arritur atë që është premtuar, Krasniqi ka kërkuar edhe përforcime cilësore, shkruan Gazeta Sheshi.
Njëri nga më të dëshiruarit është mbrojtësi i Dritës, Erdin Hashani, i cili ka kontaktuar me prizrenasit dhe është afër marrëveshjes.
Kontakte ka pasur edhe me sulmuesin e ekipit gjilanas, Alban Shillova dhe që të dy mund t’i bashkohen Lirisë.
Ndërkohë, ditë më parë marrëveshja është arritur me ish-futbollistin e Prishtinës, Durim Gashi, por lojtari ende nuk është prezantuar.