FaZe kanë mposhtur Liquid në gjysmëfinale të ‘Lower Bracket’, për t’i eliminuar përfundimisht nga gara.
Ndeshja përfundoi me rezultat të përgjithshëm 2-0 me mapa në të mirë të ekipit FaZe.
Lojtari më i dalluar këtë ndeshje ishte Russel ‘Twistzz’ Van Dulken me 50 eliminime dhe vlerësimin 1.45 nga HLTV.
Pas kësaj humbje Liquid janë eliminuar përfundimisht nga gara në IEM Dallas, ndërsa për kapitenin e tyre nitr0 ky ishte turneu i fundit në CS:GO.
Në anën tjetër FaZe e presin fituesin nga ndeshja Cloud9 – Complexity në finale të ‘Lower Bracket’.
Në këtë turne skuadra janë duke garuar për një grup çmimesh prej 250.000 dollarësh. /Telegrafi/