Ish-trajneri i Italisë, Marcello Lippi zyrtarisht ka dhënë dorëheqjen si trajneri i Kinës pas eliminimit të tyre nga Kupa e Azisë.
Kontrata e Lippit duhej të skadonte pas turneut aziatik në Katar, por largimi i tij erdhi më shpejt se që mendohej.
Disfata e Kinës me rezultat 3-0 ndaj Iranit në çerekfinale të enjten ka bërë që trajneri italian të jap dorëheqje.
“Dua të falënderoj të gjithë”, ka thënë fillimisht Lippi në një konferencë për shtyp.
“Kjo ndeshje mbyll kontratën time me ekipin kombëtar kinez”.
“Ishte një nder vërtetë i madh për mua që ta udhëheq ekipin e një vendi aq të rëndësishëm sa Kina”, përfundoi italiani.
70-vjeçari mori përgjegjësinë e kombit aziatik në vitin 2016 dhe i udhëhoqi ata deri në Play-Off për Kupën e Botës në Rusi.
Pavarësisht moshës së tij, ish-trajneri i Juventusit dhe Napolit, një kampion i botës me Italinë në vitin 2006, ka sugjeruar se do të kërkojë një ekip kombëtar më afër shtëpisë. /Telegrafi/