Holandezi shënoi dy gola në fitoren 4-1 të Manchester United në udhëtim te Swansea, derisa kampionët treguan se ata do të jenë favoritët kryesor për ta mbrojtur titullin edhe në sezonin e ri.
Van Persie shoqërohet në sulmin e javës edhe nga Daniel Sturrige, i cili shënoi golin e vetëm të fitores 1-0 të Liverpoolit ndaj Stoke Cityt. Redsat kanë më së shumti lojtarë në formacionin e javës, tre, me mbrojtësin Kolo Toure dhe portierin Simon Mignolet që shkëlqyen gjatë vikendit, pavarësisht fitores së ngushtë të skuadrës.
Për t’u lavdëruar këtë javë ishte edhe Aston Villa, që mposhti Arsenalin në Emirates Stadium me rezultat 3-1 dhe merr pjesë në ekipin e javës me dy lojtarë: Gabriel Agbonlahor dhe Antonio Luna.
Chelsea po ashtu ka dy lojtarë në formacion, të dy në mesfushë: Frank Lampard dhe Oscar, që ndihmuan skuadrën ta fillojë sezonin e ri me fitore 2-0 ndaj Hull Cityt.
Mos të harrojmë Joe Cole, që ia dha fitoren West Hamit ndaj klubit të rikthyer në Premier, Cardiff, dhe Fernandinho, i cili edhe pse nuk shënoi gol shkëlqeu në fitoren 4-0 të Manchester Cityt ndaj Newcastle United.
Në vazhdim më të mirët e javës së parë në Ligën Premier:
Portier: Simon Mignolet (Liverpool)
Mbrojtës: Seamus Coleman (Everton); Kolo Toure (Liverpool); Antonio Luna (Aston Villa)
Mesfushorë: Joe Cole (West Ham); Frank Lampard (Chelsea); Fernandinho (Manchester City); Oscar (Chelsea)
Sulmues: Daniel Sturridge (Liverpool); Robin van Persie (Manchester United); Gabriel Agbonlahor (Aston Villa)
Formacioni 3-4-3
Coleman – Toure – Luna
Cole – Lampard – Fernandinho – Oscar
Sturridge – Van Persie – Agbonlahor
/Telegrafi/