Uellsiani bëri disa mbrojtje fantastike duke ua mohuar Topçinjve fitoren dhe ishte më meritori për pikën e nxjerrë të Wolves.
Pas dështimit të skuadrave të tjera të kreut të nxjerrin fitore (Manchester City, Chelsea, Liverpool, Arsenal), Manchester United është ekipi që dominon në ekipin e javës me tre lojtarë.
Dimitar Berbatov shënoi hat-trick në fitoren 5-0 ndaj Wiganit dhe rreshtohet në sulm në krah të sulmuesit të Swansea, Danny Graham. Në skuadër nuk mungon as Park Ji-Sung, i cili nuk pushoi gjatë gjithë ndeshjes.
Antonio Valencia po ashtu ia ka dalë të futet në më të mirët e kësaj jave, edhe pse jo në rolin e tij të natyrshëm, atë të mesfushorit. Valencia pati një detyrë defensive në ndeshjen e mesjavës, kjo për shkak të listës së gjatë të lëndimeve te United.
Tottehami ishte skuadra tjetër e pjesës së sipërme të tabelës që shënoi fitore, krahas United. Spursat kontribuojnë me dy lojtarë në 11-shen e kësaj jave: autorin e dy golave të fitores ndaj Norwich Cityt, Gareth Bale, dhe mesfushorin kreativ Luka Modric.
Në vazhdim më të mirët e javës në Ligën Premier:
Portier: Wayne Hennessey (Wolverhampton Wanderers)
Mbrojtës: Antonio Valencia (Manchester United). Chris Samba (Blackburn Rovers); Richard Dunne (Aston Villa); Nicky Shorey (West Bromwich Albion)
Mesfushorë: Park Ji-Sung (Manchester United); Luka Modric (Tottenham Hotspur); Yohan Cabaye (Newcastle United); Gareth Bale (Tottenham Hotspur)
Sulmues: Dimitar Berbatov (Manchester United); Danny Graham (Swansea City)
Formacioni 4-4-2:
Hennessey
Valencia – Samba – Dunne – Shorey
Ji-Sung – Modric – Cabaye – Bale
Berbatov – Graham
/Telegrafi/