Dimitar Berbatov bëri një pasim të shkëlqyeshëm për Alexander Kacaniklic, që fitoi penaltinë e cila u shndërrua në gol nga bullgari në fitoren 2-0 të Fulhamit ndaj Aston Villas.
Berbatov shoqërohet në sulm nga Marouane Chamakh, i cili duket një lojtar i rilindur. Jo vetëm që shënoi golin e dytë vendimtar për fitoren e Crystal Palace, por ish-sulmuesi i Arsenalit u tregua mjaft dinamik gjatë gjithë ndeshjes ndaj Cardiff.
Nga mesfusha, për t’u përmendur është paraqitje a Yohan Cabaye i cili ishte autori i golit të fitores së Newcastle ndaj Manchester United.
Cabaye shoqërohet në mesin e më të mirëve të javës edhe nga mbrojtësi i skuadrës së tij, Fabrizio Coloccini, i cili, mes tjerash, arriti ta largojë një top të Adnan Januzajt që veç ishte duke përfunduar në rrjet.
Në vazhdim më të mirët e fundjavës në Ligën Premier të zgjedhur nga Eurosport:
Portier: Tim Howard (Everton)
Mbrojtës: Fabricio Coloccini (Newcastle United); Laurent Koscielny (Arsenal); Sebastien Bassong (Norwich)
Mesfushorë: Glen Johnson (Liverpool); Glenn Whelan (Stoke City); Yohan Cabaye (Newcastle United)
Mesfushorë të avancuar: Philippe Coutinho (Liverpool); Andre Schuerrle (Chelsea)
Sulmues: Marouane Chamakh (Crystal Palace); Dimitar Berbatov (Fulham)
/Telegrafi/
