Java e 24-të në Ligën e Parë të Kosovës në futboll do të startojë sot me gjashtë sfida shumë interesante.
Në të dyja grupet, A dhe B do të zhvillohen nga tri ndeshje, ku ka përballje shumë të zjarrta, për inkuadrim në Superligë dhe për mbijetesë.
Lideri aktual i Grupit A, Dukagjini i Klinës është nikoqir i Onixit, derisa Istogu që së paku kërkon vendin e dytë në këtë grup pret skuadrën prizrenase A&N.
Ndeshja tjetër e këtij grupi zhvillohet mes dy skuadrave të mëdha kosovare, Lirisë dhe Trepçës.
Edhe në Grupin B na presin sfida shumë interesa,te ku veçohet dueli i dy skuadrave kryeqytetase Flamurtari – 2 Korriku.
Interesant pritet të jetë edhe në derbin e Anamoravës, ku Dardana përballet me Kikën, derisa Ulpiana pret KEK-un.
Liga e Parë e Kosovës – E shtune
Grupi A
Dukagjini – Onix
Istogu – A&N
Liria – Trepça
Grupi B
Flamurtari – 2 Korriku
Dardana – Kika
Ulpiana – KEK-u
/Telegrafi/