Liga e Kampionëve ka zgjedhur sulmuesin e Bayern Munichut, Robert Lewandowskin si lojtarin më të mirë të javës.
Gjatë të martës dhe mërkurës janë zhvilluar ndeshjet e pesta të grupeve në Ligën e Kampionëve.
Shumica e ekipeve të mëdha, por edhe lojtarëve provuan përsëri veten se janë ndër më të mirët edhe këtë sezon.
Njëra nga to është Bayern Munichu që fitoi në udhëtim te Cervena Zvezda me rezultat të thellë 6-0.
Heroi i Bavarezëve padyshim se ishte sulmuesi polak, Lewandowski, i cili shënoi plot katër gola për vetëm 14 minuta.
🥇 Who else? FOUR-goal hero Robert Lewandowski claims the prize this week! ⚽⚽⚽⚽#UCL | #POTW | @FTBSantander pic.twitter.com/QPpuvUPKOo
— UEFA Champions League (@ChampionsLeague) November 29, 2019
Paraqitja superiore e polakut nuk ka mbetur pa u vlerësuar, pasi ai ka fituar garën për t’u zgjedhur lojtari më i mirë i javës në Ligën e Kampionëve.
Lewa në këtë garë mposhti Lionel Messin, Keylor Navasin dhe Romelu Lukakun. /Telegrafi/