Robert Lewandowski ka përfituar nga ditët e pushimit pas turneut në Shtetet e Bashkuara për të udhëtuar drejt Mynihut dhe për të bërë marrëveshje të ndryshme, personale dhe profesionale.
Sulmuesi polak kishte dëshirë t’u thoshte lamtumirë punonjësve dhe drejtuesve të Bayern Munich, klub ku ka luajtur gjatë tetë viteve të fundit dhe ku ka ngritur 23 trofe.
Sulmuesi polak, i cili do të prezantohet zyrtarisht të premten si lojtar i ri i Barcelonës, bëri presion për të shkuar te ky klub, edhe pse kishte kontratë edhe një vite me bavarezët.
Robert Lewandowski returned to Munich for a farewell visit at FC Bayern today.
🔗 https://t.co/YgiP5poOXM#MiaSanMia
— FC Bayern Munich (@FCBayernEN) August 2, 2022
“Ishte e trishtueshme. Do të jem gjithmonë mirënjohës për atë që kam fituar dhe përjetuar këtu. I kam falënderuar të gjithë për atë që kanë bërë për mua dhe u kam dhënë dhurata”.
“Ishte një moment emocional dhe i vështirë për mua. Tani mund të shkoj me një ndërgjegje të pastër”, ka thënë Lewandowski për “Sky Sports”.
Kur u pyet për takimin me Hasan Salihamidzic, Lewandowski dha përgjigje diplomatike.
Thank you for an amazing 8 years. All the best for the future, Lewy ❤️#MiaSanMia pic.twitter.com/jaUcOMSkz3
— FC Bayern Munich (@FCBayernEN) August 2, 2022
“I kam takuar të gjithë dhe i kam falënderuar për gjithçka. Këto të fundit kanë qenë javë të vështira për të gjithë, por nuk do ta harroj kurrë atë që kam pasur këtu dhe falënderoj tifozët për mbështetjen e tyre”, deklaroi ai.
Kur po largohej nga ambientet e klubit, sulmuesi polak u ngacmua nga disa tifozë të pranishëm me thirrjet: “Hala Madrid” dhe “Benzema”. /Telegrafi/