Robert Lewandowski pritet të shuajë spekulimet rreth së ardhmes së tij, pasi është shumë afër të vazhdojë kontratën me Bayern Munichun.
Sulmuesi polak, i cili këtë sezon ka realizuar 36 gola në 39 paraqitje në të gjitha garat, është lidhur me një transferim te Real Madridi.
Gjithashtu është raportuar se menaxheri Pep Guardiola e dëshiron 28-vjeçarin te Manchester City, por Lewa shumë shpejtë pritet të vazhdojë kontratën e tij me kampionin gjerman.
Gazeta gjermane Bild raporton se Lewandowski do të vazhdojë kontratën e re, e cila do ta mbajë polakun në Allianz Arena deri në verën e vitit 2021.