Kylian Mbappe vazhdon të shkojë drejt skadimit të kontratës së tij me Paris Saint-Germain, me francezin që lidhet me Real Madridin dhe Leonardon që ka mohuar që një ofertë zgjatjeje me vlerë 200 milionë euro i është ofruar sulmuesit.
PSG-ja po refuzon të heqë dorë nga përpjekjet për të rinovuar me yllin e tyre, me një dëshirë të kuptueshme nga ana e tyre për të parë 23-vjeçarin e talentuar të qëndrojë në Parc des Princes.
Diskutimet mbeten në vazhdim me Mbappen dhe përfaqësuesit e tij, por raportet për një marrëveshje prej 200 milionë eurosh që është vënë në tryezë janë hedhur poshtë nga drejtori sportiv i klubit.
“Kjo nuk është e vërtetë, ne nuk kemi dërguar një ofertë të saktë”, ka thënë fillimisht Leonardo tha për L’Equipe.
“Ka një element të rëndësishëm: mendoj se gjëja e fundit që do të vendosim në këtë kontratë do të jetë shuma”.
“Ne duam ta vendosim atë në kushtet më të mira për t’u bërë lojtari më i mirë i mundshëm. Mendoj se do të duhen dy minuta në fund për të vendosur shumën”.
“Shanset tona për ta mbajtur atë? Nuk mund të them, por ne kemi mundësi”.
“Për sa kohë që nuk ka nënshkrim, ne do të përpiqemi gjithçka, do të bëjmë gjithçka për ta mbajtur atë. Nuk mendoj se do të gjykojë në bazë të rezultatit kundër Real Madridit”.
“Kemi një brez të ri, kemi të rinj nga terreni, kemi dëshirë të bëjmë investime të tjera. Ajo që është bërë nga Katari gjatë 10 viteve të fundit e ka vendosur PSG-në mes klubeve të mëdha. Sot, klubi është një realitet. Ai është i dashur, i admiruar dhe i respektuar”, përfundoi drejtori i PSG-së. /Telegrafi/