Ermir Lenjani vazhdon të jetë njëri nga futbollistët shqiptarë më në formë.
Mbrojtësi i majtë po shkëlqen me fanellën e Sionit në Superligën e Zvicrës.
Si gjithmonë kamenicasi e ka nisur nga minuta e parë ndeshjen për skuadrën e tij ndaj Lausannes ku Sion mori fitore të vlefshme 0-2.
Meritat më të mëdha për këtë fitore i ka pikërisht Lenjani falë asistimeve të tij.
Fillimisht në minutën e 53-të, asistoi për mrekulli për Cunhan ku u ndalua në zonë dhe gjyqtari akordoi penallti.
Nga pika e bardhë dështoi Carlitos, por në topin e kthyer braziliani shënoi për 0-1.
Nëntë minuta para fundit të ndeshjes, Lenjani asistoi në mënyrë perfekte për Carlitos i cili shënoi golin e fitores 0-2.
Sioni pas kësaj fitore vazhdon të mbetet në pozitën e fundit në tabelë por tani me 28 pikë të tubuara, tri më pak se rivalët për mbijetesë Lausanne, Thun dhe Lugano.
Ndërkohë Lenjani ka arritur të shënoj dy gola në kampionat dhe të bëjë pesë asistime. /Telegrafi/
