Faqja më e madhe për CS:GO, HLTV, ka publikuar edhe lojtarin që renditet në vendin e 14 –të në botë për vitin 2022, dhe ai është boshnjaku Nemanja “huNter-” Kovac.
Lojtari i ekipit G2, huNter ka zënë vendin e 14 –të, pasi ka treguar një nivel të lartë dhe mbresëlënës gjatë paraqitjeve të tij në vitin 2022.
Ai e përfundoi vitin me vlerësimin 1.12 nga HLTV.
Ngjarjet më të suksesshëme të huNter dhe ekipit të tij gjatë vitit 2022 ishin vendi i parë në Blast Premier World Final, vendi i dytë në IEM Katowice si dhe vendi i tretë në Blast Spring Final dhe ESL Pro League S16.
Megjithatë kjo renditje e tij nuk është aspak për t’u befasuar, pasi ai ishte pjesë e listës të 20 më të mirëve edhe në vitin 2021, ku zuri vendin e 12 –të.
Atë vit, lojtari 26 vjeçar pati vlerësimin 1.11 nga HLTV.