Gjatë ditës së sotme nën udhëheqjen e kryesuesit të Kuvendit Komuna, Arbër Zenuni, Komuna e Rahovecit, ka mbajtur seancën e parë të rregullt për këtë vit kalendarik.
Të pranishëm në seancë përveç shumicës së anëtarëve të kuvendit komunal, i pranishëm poashtu ishte edhe Kryetari i Komunës Smajl Latifi, Nënkryetari Fatmir Iska, drejtorët e drejtorive komunale, zyrtarët komunalë, mediat që monitorojnë seancën dhe përfaqësuesit e LMT-së.
Pika e parë e kësaj mbledhjeje ishte votimi i proces verbalit nga mbledhja e kaluar e cila u mbajt në dhjetor të vitit të kaluar, për të vazhduar me diskutime dhe pyetje të ndryshme nga kuvendarët, drejtuar kryetarit të komunës dhe drejtorive përkatëse.
Pyetjet dhe diskutimet ishin rreth këtyre çështjeve:
Historiku i parcelave prej periudhës kur komuna e posedon historiatin
Listimi i operatorëve sipas ofertave në procesin e tenderimit me 20%
Çmimi i lartë i peletit – pyetje dhe kërkesë për ndërprerje të kontratës
Kubëzimi i rrugëve dhe pastrimi i tyre në Krushë të Madhe
Çështja e kanalit të kullimit të tokave në Malësi të Vogël
Nevoja për rrugë fushore në Hoçë të Vogël, Brestoc dhe Nagac
Funksionalizimi i AMF-ve dhe rifillimi i punimeve në AMF-në e Opterushës
Rregullimi i shtratit të lumit, Nagac – Brestoc
Propozim për parking të hapur mbi qendrën e regjistrimit të veturave
Gjendja e rrugëve nacionale dhe rrugëve lokale
Të ketë zgjidhje lidhur me qentë endacakë
Punimet që i zhvillon “Radoniqi” – sanime jo të duhura
Pagesat e shujtave për kontratat kolektive
Kontrata për rregullimin e varrezave të martirëve
Çështja e trafos në rrugën “Vëllezërit Frashëri”
Obligimet kontraktuale dhe financiare
Kapacitetet financiare të komunës
Theksojmë që pikat e rendit të ditës u votuan me shumicë votash dhe njëzëri nga anëtarët e Kuvendit Komunal të Rahovecit. /Telegrafi/
