Rruga e Italisë për t’u kurorëzuar kampione evropiane këtë verë mund të mos ketë qenë më interesantja për një të autsajder, me skuadrën e Roberto Mancinit që bëri një performancë perfekte nga fillimi në fund, duke kulmuar në fitoren e tyre ndaj Anglisë në stadiumin Wembley për të ngritur trofeun.
Por, ishte fitorja e tyre gjysmëfinale ndaj Spanjës që i pa ata të vuanin, me skuadrën e Luis Enriques që kishin një numër shansesh për të fituar ndeshjen dhe për të eliminuar Azzurrër. Ata nuk e bënë, megjithatë, dhe Italia vazhdoi të fitonte në penallti.
Rai, transmetuesi kombëtar i Italisë, ka transmetuar një dokumentar ‘Sogno Azzurro’ që mbulon suksesin e Italisë në Euro 2020 dhe një nga pikat më interesante erdhi nga çastet që çuan deri në gjysmëfinalen e Spanjës, veçanërisht për ata që interesohen në futbollin spanjoll.
“Ju nuk mund të fitoni gjithmonë duke kontrolluar një lojë”, u tha Mancini lojtarëve të tij. “Është ajo që do të dëshironim, por ka edhe kundërshtarë të vështirë”.
“Nëse keni për të pritur. Lërini të luajnë. Qëndroni të qetë”.
“Spanja ka një skuadër të shkëlqyeshme. Ju do të shihni në Kupën e Botës që do të jetë mes nesh, atyre dhe mbase një ekipi tjetër. Ata kanë lojtarë shumë të mirë – të rinj, por shumë të mirë”.
“Nuk do të jetë e lehtë, do të duhet të vuajmë deri në fund, por, si gjithmonë, do të përpiqemi ta bëjmë së bashku”, ka shtuar më tej Mancini.
Italia e fitoi Kampionatin Evropian për herë të dytë në histori, e që shpresojnë të marrinë dhe Kupën e Botës. /Telegrafi/