Atletëve profesionistë u pëlqen t’i përkushtohen video-lojërave gjatë turneve herë pas here, dhe portieri i Anglisë, Jordan Pickford, nuk bën përjashtim.
Futbollisti i Evertonit dhe Anglisë është aktualisht në Katar për Kupën e Botës 2022, por ai gjithashtu solli me vete laptopin e tij personal për të luajtur video lojëra si Fortnite në kohën e tij të lirë.
Kjo u zbulua në videon e fundit të skuadrës angleze në YouTube.
Në video, intervistuesi përmendi një valixhe që Pickford kishte sjellë me vete në Katar, portieri shpjegoi se brenda ishte një laptop me një monitor të integruar me rezolucion të lartë.
Pickford tha se ai përdor një kompjuter në shtëpi dhe sa herë që i duhet të udhëtoj ai merr një laptop me vete.
Në intervistë, Pickford tha se Fortnite është një nga lojërat që i pëlqen të luajë në Katar.
Jordan Pickford është portieri i parë si për Anglinë ashtu edhe për skuadrën e Ligës Premier , Everton, ndërkohë që Anglia arriti të sigurojë një vend në çerekfinale dhe do të përballet me Francën të premten. /Telegrafi/