KB Peja ka siguruar kualifikimin në çerekfinale të Ligës Ballkanike përkundër humbjes nga Kumanova.
Klubi pejan humbi për 4 pikë te Kumanova, por pasi Karposi lëshoi parketin ndaj Teodos në shtëpi humbi me rezultat zyrtar dhe kështu kualifikoi edhe Teodon edhe Pejan në çerekfinale.
Nga grupi i Pejës prej vendit të parë kualifikohet në gjysmëfinale direkt Kumanova.
Peja në çerekfinale sipas informacioneve të Telegrafit mund të takohet me Kozuvin ose Sutjeskën, dy klube tejet të papërshtatshme.
Sistemi është tipik si i playoffit dhe skuadra që fiton tri ndeshje kualifikohet në gjysmëfinale të Ligës Ballkanike.
Përparësia e terrenit vendas dhe kundërshtari i radhës për Pejën pritet të konfirmohen vetëm në ndeshjen e ardhshme ndaj Teodos ku pritet të definohen këto dy gjëra.
Peja e pret Teodon në ndeshjen e fundit të grupit më 1 mars nga ora 19:00 në Karagaç, e përkundër kualifikimit të siguruar, klubi pejan do ta kërkojë terrenin vendas për fazën tjetër dhe kundërshtarin më të lehtë në letër. /Telegrafi/