Roma triumfoi në finalen e Ligës së Konferencës ndaj Feyenoord me rezultatin 1-0.
Stadium “Air Albania” rezultoi fatsjellës për verdhekuqtë teksa pjesë e italianëve është edhe Marash Kumbulla.
Mbrojtësi i kombëtares, pas festës foli për Supersport ku theksoi se emocionet për të ishin të mëdha ndërsa shtoi se kërkon të marrë sërish trofe me Romën në sezonin e ardhshëm.
Albanian player wins the trophy in Albania. Marash Kumbulla❤️ pic.twitter.com/KwMVwgr1Uy
— Jjuli (@jjuli_007) May 25, 2022
“Ndjehem shumë i emocionuar për finalen në Tiranë me Romën, në stadium ishim të gjithë së bashku. Nuk kam fjalë ta përshkruaj”.
Ai thotë se Mourinho ju ka dhënë besim për sezonin e ardhshëm dhe se suksese të tjera priten.
“Besoj se po, se kur fiton ke mentalitet fitues dhe shpresoj që në sezonin e ardhshëm të marrim një trofe tjetër” deklaroi ai.
🏆 CAMPIONI! 💛❤️#ASRoma @NBFootball pic.twitter.com/8WYI9vu39U
— AS Roma (@OfficialASRoma) May 25, 2022
Tutje mbrojtësi shqiptar shtoi se kjo ndeshje i dha emocione tjera edhe pse ka luajtur në Tiranë me Kombëtaren.
“Kisha, nuk mund të them frikë, por e ndjeja shumë ndeshjen. Kam luajtur me kombëtaren në këtë stadium, por edhe me Romën ishte shumë bukur dhe nuk kam fjalë për këtë ndeshje”, ka thënë Kumbulla pas finales.