Nga liqeni oval i zbukuruar me gjurmën e gishtit të sunduesit të Dubait do të lindë simboli i ri artitektonik i metropolit të shkretëtirës
Kulla grandioze me hapje të mëdha midis dy vëllimeve ovale të saj do t’i bashkohet grupit prej më se 30 ndërtesave super të larta të cilat do ta zbukurojnë panoramën e Dubait, transmeton Telegrafi.
E lartë 550 metra, kulla Burj Jumeira do të jetë zbukurim qendror i kuartit të ri të qytetit Downtown Jumeira.
Kuarti i ri do të përmbajë ndërtesat e destinimeve të përziera – të banimit dhe hapësira afariste, hotele, salla të kulturës, por edhe vetë kulla do tejet “qendër e ngjarjeve shoqërore, kulturore dhe e aktiviteteve”.
Në kuadër të rrokaqiejve do të gjenden platforma të shumta për vëzhgimin e qytetit, duke përfshirë edhe atë në “urën qiellore”, e cila lidh dy pjesë të kullës, në lartësinë prej 450 metrash.
Kjo platformë do të ofrojë pamje panoramike prej 360 shkallësh dhe aktivitete shtesë.
Në fasadën e rrokaqiellit do të jetë i vendosur ekrani gjigant digjital, i cili do të mund të ndriçojë gjithë ndërtesën.
Asgjë më pak atraktive nuk do të jetë as rrethina e kullës: liqeni masiv me larën e ndërtuar sipas gjurmëve të gishtit të sheikut Muhamedbin Rashidal Makotum, do të shtrihet përreth ndërtesës, ndërsa rrethi tjetër përreth liqenit do të formojë shitoret, si edhe amfiteatrin në ambient të hapur.
Ndërtimi i rrokaqiejve ka filluar më 31 janar, ndërkaq përfundimi i punëve është paraparë në vitin 2023. Sa do të kushtojë ky projekt ambicioz – ende nuk dihet.
https://www.youtube.com/watch?v=4yF_fx2nc0s
/Telegrafi/