Burim Kukeli dhe Zurichu do të ndahen përfundimisht.
Pas pesë viteve të kaluara në klubin bardh e kaltër, Kukeli ka vendosur të largohet.
Ish-anëtari i Luzernit ishte ndër lojtarët kryesor të Zurichut duke ndihmuar ekipin të rikthehet në elitën e futbollit zviceran.
33-vjeçari ka edhe një vit kontratë me klubin por që mediat zvicerane kanë shkruar se do të prishet kjo kontratë dhe futbollisti do të mbetet i lirë.
Anëtari i Kombëtares së Shqipërisë është në negociatat me klubin tjetër zviceran Lugano.
Lugano i ka ofruar kontratë dy vjeçare Kukelit dhe fanellën e titullarit.
Në rast transferimi në Lugano, Kukeli do të ketë mundësinë të luaj edhe në Ligën e Evropës. /Telegrafi/