Kosova U19 që udhëhiqet nga përzgjedhësi Adil Maliqi, e ka nisur me këmbën e mbarë në Elite Round.
Djelmoshat tanë fituan me rezultat 1-0 ndaj Austrisë në ndeshjen hapëse, në luftën e tyre për një vend në Kampionatin Evropian.
Kosova ishte e para që rrezikoi, por që gjuajtja e Eliot Bujupit u ndal nga mbrojtja austriake.
🤤Gashijani pic.twitter.com/Oga11cKhNe
— Kosovo Football 🇽🇰 (@FootballKosovo) March 20, 2024
Në minutën e 22-të, austriakët fituan penallti, por që gjuajtjen e Furkan Dursun e priti portieri ynë Erion Avdijaj.
Në fundin e pjesës së parë austriakët ishin më të rrezikshëm, por që mbrojtja e dardanëve ishte e pathyeshme.
Me të filluar pjesa e dytë, Kosova gjeti golin e epërsisë në minutën e 49-të, kur Elvir Gashijani gjuajti, portieri austriak mbron gjuajtjen e tij, por nga topi i kthyer njëri nga mbrojtësi shënoi në portën e tij për 1-0.
50' | GOAL GOAL GOAL!
Kosovo takes the lead, Gashijani forcing Schöller into scoring an own goal.
🇽🇰 [1]-0 🇦🇹#KOSAUT | #U19 pic.twitter.com/IQDPw71Qqu
— Kosovo Football 🇽🇰 (@FootballKosovo) March 20, 2024
Edhe pse austriakët u lëshuan me të gjitha forcat në sulm, lojtarët e Kosovës ruajtën me çdo kusht rezultatin deri në fund për të marr fitoren e parë në Elite Round.
Rezultat që i shkoi për shtati Kosovës ishte edhe barazimi mes Sllovenisë dhe Spanjës (1-1), ku Dardanët pas xhiros së parë janë lider me 3 pikë, ndërsa Spanja dhe Sllovenia kanë nga 1 pikë. Austria mbetet e fundit pa pikë. /Telegrafi/