Kosova U17 në konkurrencën e femrave është promovuar në Ligën A për raundin e dytë kualifikues për Kampionatin Evropian “Estonia 2023”.
Ky raund kualifikues do të zhvillohet në muajin mars, derisa shorti do të tërhiqet më 7 dhjetor në Nion në orën 10:00.
Ky raund kualifikues do të vendosë 7 skuadrat që do t’i bashkohen Estonisë në eventin final prej 14 deri më 26 maj.
Kosova u promovua në Ligën A, si skuadra me bilancin më të mirë nga skuadrat e renditura në pozitën e dytë në Ligën B.
Vajzat e drejtuara nga Sanije Krasniqi muajin e kaluar dolën të dytat në grup me Maqedoninë e Veriut, Shqipërinë dhe Moldavinë. /Telegrafi/