Koreja Veriore ka kritikuar një marrëveshje të arritur në mes të SHBA-ve, Koresë Jugore dhe Japonisë, ku synohet që të forcohet bashkëpunimi ushtarak, duke thënë se kjo marrëveshje është pjesë e planit të SHBA-ve për krijimin e një aleance ushtarake si NATO në atë rajon.
Zëdhënësi i ministrisë së jashtme të Koresë Veriore, e tha këtë pas një pyetje nga KCNA, raportojnë nga agjencia shtetërore e lajmeve.
“Shihet qartë se synimi real i SHBA-ve me përhapjen e thashethemeve të një kërcënimi nga Koreja Veriore, është që të sigurojë një arsye për krijimin e një supremacie ushtarake në rajonin e Azi-Paqësorit”, tha zëdhënësi i ushtrisë, transmeton Telegrafi.
“Situata aktuale kërkon urgjentisht për ngritjen e kapaciteteve mbrojtëse të vendit për të përballuar përkeqësimin në ngritje të situatës së sigurisë”, shtoi tutje zëdhënësi.
Presidenti i SHBA-ve, Joe Biden, kryeministri japonez Fumio Kishida dhe presidenti koreano jugor Yoon Suk-yeol, u takuan në samitin e NATO-s javën e kaluar dhe ranë dakord se progresi i Koresë Veriore dhe testimet e tyre raketore dhe nukleare përbëjnë një kërcënim serioz jo vetëm për gadishullin korean, por edhe për Azinë Lindore dhe pjesën tjetër të botës.
Ata thanë se do të kërkojnë për masa shtesë për përforcimin e “parandalimit të zgjerimit” ndaj Koresë Veriore.
Gjatë këtij viti Koreja Veriore ka kryer teste raketore me një ritëm të paprecedentë, dhe se nga disa besohet se ata po përgatiten edhe për një test tjetër nuklear. /Telegrafi/