Kryeqyteti është pajisur edhe me 2000 kontenjerë.
Kështu ka njoftuar nënkryetari i Komunës së Prishtinës, Alban Zogaj, transmeton Telegrafi.
“Prishtina po vazhdon përmirësimin e infrastrukturës së saj për një mjedis më të pastër e më të organizuar! Me një kontingjent të ri prej 2000 kontenjerëve që sapo kanë mbërritur, kryeqyteti do të ketë mundësi më të mira për menaxhimin e mbeturinave dhe për të siguruar një qytet të pastër për të gjithë”, ka pohuar ai.
Tutje, ai ka shtuar se “ky është një hap tjetër në drejtim të krijimit të një Prishtine më të gjelbër, ku qytetarët dhe vizitorët mund të gëzojnë hapësira publike më të pastra”.
“Ndaj, faleminderit të gjithë qytetarëve për bashkëpunimin e tyre dhe për angazhimin në mbajtjen e pastërtisë në qytetin tonë”./Telegrafi/
