Pas kampionatit anglez, italian e gjerman është konfirmuar edhe rasti i parë i një futbollisti të prekur me coronavirus në La Liga.
Pandemia që ka prekur gjithë botën ka bërë që edhe dhjetëra futbollistë të prekën në gjithë Evropën.
Mbrojtësi argjentinas i Valencias, Ezequiel Garay është futbollisti i parë i prekur me coronavirus në La Liga.
Ka qenë vet futbollisti argjentinas që ka konfirmuar një gjë të tillë nëpërmjet një postimi në Instagram.
“Unë kam dalë pozitiv nga testi për coronavirus. Tani ndihem shumë mirë dhe më mbetet vetëm t’i zbatojë rregullat e autoriteteve shëndetësore”, ka shkruar ndër të tjera Garay.
Kësisoj argjentinasi bëhet futbollisti i parë në La Liga që ka rezultuar pozitiv pas testit për pandeminë Covid 19.
Në Serie A janë të infektuar mbi 10 futbollistë, ku Daniele Rugani është nga Juventus, teksa shtatë futbollistë janë nga Sampdoria dhe tre të tjerë nga Fiorentina.
Callum Hudson-Odoi është i vetmi deri më tani që ka rezultuar pozitiv në Ligën Premier, teksa Luca Kilian në Bundesliga. /Telegrafi/