Daniele Rugani është konfirmuar si futbollisti i parë në Serie A me coronavirus.
Por gjatë ditës së sotme është konfirmuar edhe rasti i dytë, ku i prekur nga kjo pandemi ka mbetur edhe sulmuesi italian Manolo Gabbiadini.
Fillimisht lajmi ishte shpërndarë nga mediat italiane, ndërsa tani është konfirmuar edhe nga klubi i lojtarit Sampdoria.
Pas analizave të bëra, lojtari ka dalë pozitiv dhe është konfirmuar se është infektuar nga ky virus.
“UC Sampdoria njofton se lojtari ynë Manolo Gabbiadini ka dalë pozitiv për coronavirus-Covid-19”.
“Gabbiadini ka ethe, por deri tani gjithçka po shkon mirë. Klubi aktualisht ka aktivizuar të gjitha procedurat e izolimit të kërkuar me ligj”, thuhet në njoftimin e klubit.
Klubi italian ka thënë se gjatë orëve apo ditëve në vazhdim do të dalë me njoftime të reja rreth situatës së lojtarit.
Deri më tani nga ky virus janë infektuar mbi 127 mijë persona në gjithë botën, teksa për 4719 njerëz ka qenë fatal. /Telegrafi/
📝 #COVID19: comunicazione U.C. #Sampdoria, calciatore positivo ➡️ https://t.co/rvUXTqXAwl pic.twitter.com/f0YEZGg4UY
— U.C. Sampdoria (@sampdoria) March 12, 2020