Tim Ream dhe Walker Zimmerman iu përgjigjën pyetjeve të ndryshme nga anëtarët e mediave, por vetëm në pyetjen e fundit të seancës ata pranuan një nga një gazetar iranian.
Dhe kur Shervin Taheri më në fund pati një shans për të bërë një pyetje, ai nuk bëri pyetje rreth ndeshjes.
“Dua vetëm të theksoj se zyrtari i medias i ekipit kombëtar të futbollit amerikan duhet të respektojë mediat ndërkombëtare”, tha gazetari Shervin Taheri.
“Ky është Kampionati Botëror. Kjo nuk është Kupa MLS. Faleminderit shumë”.
Yahoo e përshkroi atmosferën në konferencën për shtyp si ‘të tensionuar’ dhe tha se Ream dhe Zimmerman iu bënë afërsisht një duzinë pyetje si për futbollin ashtu edhe për postimet e skuadrës në mediat sociale, të cilat kanë ngjallur zemërim në Iran.
Konferenca për shtyp erdhi pasi llogaritë zyrtare të ekipit të ShBA-së në mediat sociale shfaqën flamurin kombëtar të Iranit pa emblemën e Republikës Islamike, për të treguar ‘mbështetjen tonë për gratë në Iran me grafikun tonë për 24 orë’.
Mungesa e stemës vjen pasi demonstratat mujore kanë sfiduar qeverinë e Iranit që nga vdekja e 16 shtatorit të 22-vjeçares Mahsa Amini, e cila ishte arrestuar nga policia morale e vendit.
Dhe vendimi i Federatës së Futbollit të ShBA-së ka zemëruar rëndë qeverinë iraniane, me ato që kërkojnë që FIFA të përjashtojë ShBA-në nga Kupa e Botës dhe të dënohet me 10 ndeshje.
ShBA do të luajë me Iranin të martën (nesër) dhe ka nevojë për një fitore për të kaluar në fazën eliminatore të turneut. /Telegrafi/
