Jose Mourinho dhe Manchester United kishin befasuar të gjithë kur kishin ftuar konferencë për shtyp në ora 08:00 të mëngjesit.
Konferencës iu përgjigjën thuajse të gjitha mediat angleze.
Ndeshja e radhës është ndaj Newcastle dhe konferenca për këtë zgjati 3 minuta e 32 sekonda.
Në fillim ai dha një informacion të përgjithshëm mbi të dëmtuarit.
“Skuadra është në vështirësi për shumë motive. Është e vërtetë që ende nuk kemi fituar asnjë ndeshje në stadiumin ‘Old Trafford’, por as nuk kemi humbur”.
“E pranoj nëse aventura ime përfundon këtu, pas pesë ndeshjeve pa fitore në shtëpi”, deklaroi ai.
Ai rrezikon të barazojë rekordin negativ të sezonit 1989-’90, që për pak nuk i kushtoi shkarkimin Sir Alex Fergusonit.
Konferenca e shkurtër e Mourinhos kishte 262 fjalë dhe vetëm 6 pyetje.
Në ndeshjen ndaj Newcastle, luhet me të gjitha gjasat fati i Jose Mourinhos te Manchester United. /Telegrafi/