Arritja historike e Bad News Eagles, ku u futën në mesin e 16 ekipeve më të mira të PGL Antwerp Major, dhuroi emocione të shumta për shikuesit anë e mbanë botës, e si lojtari me paraqitjen më të mirë në rrugëtimin e ekipit shqiptar në turneun Major u votua , Rigon ‘rigoN’ Gashi.
Si rigoN edhe shokët e tij të ekipit, të gjithë patën paraqitje fantastike në PGL Antwerp Major, pasi suksesi në lojën e CS:GO nuk arrihet në mënyrë individuale, por me lojë ekipore.
Ekipi i Bad News Eagles pati përballje me disa nga ekipet më të mira të botës, ku njëra prej tyre ishte edhe ekipi FaZe, të cilët renditen në vendin e parë të ranglistës botërore të CS:GO.
Lojtari më i votuar nga komuniteti i CS:GO në sondazhin e krijuar nga Telegrafi, u shpall Rigon ‘rigoN’ Gashi, ku nga më shumë se 10.000 vota, morri 53 % të tyre.
Këto janë statistikat e rigoN, gjatë turneut më të madh të CS:GO, PGL Antwerp Major:
PGL Antwerp Major ‘Challengers Stage’
176 eliminime, 163 i eliminuar
Vlerësimi nga HLTV: 1.07.
PGL Antwerp Major ‘Legends Stage’
83 eliminime, 87 i eliminuar
Vlerësimi nga HLTV: 0.95.
/Telegrafi/