Komandanti i lartë i Gardës Revolucionare Iraniane u bëri thirrje anëtarëve të milicisë Shiite Irakiane të intensifikojnë sulmet ndaj objektivave amerikanë.
Agjencia Britanike u referohet tre burimeve nga milicia dhe dy burimeve nga forcat irakiane të sigurisë të cilët ishin informuar në lidhje me atë takim.
Forcat amerikane në Irak dhe Siri janë sulmuar disa herë që kur një delegacion iranian vizitoi Bagdadin, i udhëhequr nga shefi i inteligjencës së Gardës Revolucionare, Husein Taeb, pas sulmeve vdekjeprurëse ajrore të SHBA-së ndaj milicive të mbështetur nga Irani në kufirin siriano-irakiane më 27 qershor, raporton reuters.
Duke bërë thirrje për hakmarrje, iranianët këshilluan irakianët të mos shkojnë shumë larg në mënyrë që të shmangin një përshkallëzim më të madh, pretendojnë burime pa emër.
Konflikti po ndizet për shkak të mosmarrëveshjeve të rëndësishme që rrezikojnë përpjekjet diplomatike për të ringjallur marrëveshjen bërthamore të Iranit në vitin 2015. /Telegrafi/