Garuesit e KK Prishtina shkëlqyen duke nisur vitin 2019 me tre tituj kampioni, dy nën-kampioni dhe dy vende të treta.
Gjatë ditës së shtunë, më 19 janar në Pallatin e Sporteve në Prishtinë u mbajt Kampionati i Kosovës për kadet, junior (U-21) dhe senior.
Ky kampionat u mbajt falë organizimit të Bordit të Federatës së Karatesë së Kosovës në krye me kryetarin e FKK -së Z. Ismet Krasniqi.
Së bashku me Krasniqin ishin edhe Komisioni i Garave dhe Komisionin e Referëve me punë dhe angazhim maksimal duke organizuar kampionatin më të mirë dhe të paparë ndonjëherë tek ne dhe më gjerë.
Shkëlqimin më të madh këtij kampionati thuhet se ja dhanë drejtuesit dhe gjyqtarët botërorë e Evropianë Javier Escalante, Robert Hamara, Alois Weisbock dhe Franceska Marquez.
Në këtë ambient madhështor para shikuesve dhe mysafirëve të shumtë garuesit e Klubi të Karatesë Prishtina shkëlqyen duke nisur vitin 2019 me tre tituj kampioni, dy nën-kampioni dhe dy 2 vende të treta.
Kampion nga KK Prishtina u shpallen Argjend Bernjani për senior dhe junior dhe Antoneta Budakova në kategorinë e juniorëve.
Nën-kampion nga KK Prishtina u shpallen Antoneta Budakova për seniore, Arsim Qiriqi për senior dhe Endrit Shasivari për (U-21) deri në 84 kilogram.
Në anën tjetër, vendi i tretë shkoi për Enkela Arifin te kadetët dhe Antoneta Budakova te juniorët deri në 53 kilogram. /Telegrafi/