Klubi i Karatesë Prishtina i është bashkuar nismës së Transfuzionit të Gjakut, për të dhuruar gjak dhe për të shpëtuar jetë.
“Transfuzioni i Gjakut” ka kërkuar nga qytetarët e Kosovës që të dhurojnë gjak nëse munden dhe janë të shëndosh, pasi ndihmojnë shumë në këtë kohë pandemie.
Kësaj nisje i është bashkuar edhe Klubi i Karatesë “Prishtina”, i cili ishte sot në objektet e Transfuzionit të Gjakut.
“Thirrjes sonë për të dhuruar gjak iu bashkua edhe Klubi i Karatesë “Prishtina” Prishtinë. I falënderojmë për përkrahje”.
“Dhuro gjak, shpëto jetë në kohë pandemie”, thuhet në njoftimin e faqes së transfuzionit të gjakut.
Në anën tjetër, edhe faqja zyrtare e klubit të karatesë ka njoftuar dhënien e gjakut me anë të një postimi.
“Gjithmonë në shërbim të popullit. Dhuroni gjak, shpëtoni jetë!”, shkruan në postimin e faqes së Klubit të Karatesë “Prishtina”. /Telegrafi/
