Paris Saint-Germain ka fituar derbin ndaj Marseilles me rezultat 1-0 në kuadër të javës së 11-të në Ligue 1.
Rasti i parë në ndeshje ishte për kampionin në fuqi, ku pas vetëm gjashtë minutash, Achraf Hakimi lëshoi një goditje të fuqishme, por portieri Pau Lopez bëri pritje fantastike.
Më pas dy skuadrat e përqendruan lojën në mesfushë, duke mos arritur të krijonin ndonjë rast serioz.
⚽️ 45'+2 Ouiiii ! L'ouverture du score de @neymarjr !!! 🔴🔵#PSGOM 1-0 I #LeClassique pic.twitter.com/iO3hXolT8L
— Paris Saint-Germain (@PSG_inside) October 16, 2022
Kur po përfundonin 45 minutat e parë, Neymar ia doli ta shënonte golin e vetëm të ndeshjes në minutën e 45+1-të, me një asistim nga Kylian Mbappe.
Në pjesën e dytë, Marseille filloi të këndellej dhe bëri rastin e parë serioz nëpërmjet Amine Harit (52’), por Gianluigi Donnarumma ishte i vëmendshëm.
⏱ 72’⎪#PSGOM 1️⃣-0️⃣
Expulsion de 𝗦𝗮𝗺𝘂𝗲𝗹 𝗚𝗶𝗴𝗼𝘁…
— Olympique de Marseille (@OM_Officiel) October 16, 2022
Më pas, mysafirët mbetën me dhjetë lojtarë në fushë, shkaku që Samuel Gigot u përjashtua me karton të kuq për një ndërhyrje brutale në minutën e 72-të.
PSG e pati më pas më të lehtë të zhvillonte lojën e saj, por nuk ia doli të realizonte më.
Pas javës së 11-të, PSG është lider me 29 pikë, ndërsa në xhiron e 12-të do të takohet me Ajaccio. /Telegrafi/