Ka arsye të ndryshme pse “martesa e shpirtrave” praktikohet ende në vende si Kina, India apo Sudani i Jugut. Por edhe në Francë
Në të gjithë botën, edhe sot, ekziston një traditë e lidhjes së “martesave të shpirtrave”, ideja e së cilës është krijimi i një lidhjeje mes një ose dy personave të vdekur… Pse praktikohen këto zakone?
Pretha Kalyanam ose “martesa e të vdekurve” është një zakon që praktikohet ende sot në shtetet indiane të Karnataka dhe Kerala.
Domethënë, kur shpirtrat e fëmijëve të vdekur, përkatësisht të rinjve dhe të rejave, arrijnë moshën 22 dhe 25 vjeç, organizohet një ceremoni e veçantë me qëllim që t’u sigurohet atyre lumturia nëpërmjet martesës.
Me këtë rast, familjet e të ndjerit maskohen si të afërm të të vdekurve, veshin rrobat e tyre dhe vendosin maska, ndërsa priftërinjtë vendas mbajnë ceremoni martesore të ngjashme me ato që kryhen kur dhëndri dhe nusja janë gjallë, transmeton Telegrafi.
Në të njëjtën kohë, besohet se ky është fat për familjet e tyre, sepse siç besohet – shpirtrat e shqetësuar të fëmijëve të pamartuar mund të sjellin fatkeqësi për ata që janë të pamartuar ose nuk kanë fëmijë. Nga ana tjetër, kjo në njëfarë mënyre i lejon prindërit të përballen me pikëllimin dhe të besojnë se fëmijët e tyre kanë gjetur lumturinë në jetën e përtejme dhe nuk janë vetëm.
Diçka e ngjashme praktikohet ende në Kinë pas 3000 vjetësh – megjithëse tradita të tilla janë ndaluar nga qeveria komuniste që nga mesi i shekullit të 20-të.
Përveç sigurimit të lumturisë martesore të të ndjerit, këtu është gjithashtu e domosdoshme që të qetësohet shpirti i të ndjerit dhe të shmanget fati i keq i të mbijetuarve.
/Telegrafi/