Futbollisti holandez Anwar El Ghazi, i cili mbështeti publikisht Palestinën, u shkarkua nga klubi gjerman Mainz.
28-vjeçari El Ghazi, i cili erdhi në Mainz këtë sezon si lojtar i lirë, e quajti gjenocid sulmin e Izraelit ndaj Gazës dhe për këtë shkak humbi punën.
“Kjo nuk është luftë. Kur njëra palë i ndërpret ujin, ushqimin dhe rrymën tjetrës, atëherë nuk është luftë. Kur njëra palë ka armë bërthamore, nuk është luftë. Kur njëra palë financohet nga miliarda dollarë, atëherë ajo nuk është luftë. Kur njëra palë përdor imazhe të AI për të përhapur dezinformata për një tjetër, atëherë nuk është luftë.”
“Kur rrjetet sociale censurojnë përmbajtjen e njërës palë dhe jo tjetrës, atëherë nuk është luftë. Ky nuk është një konflik. Ky eshte gjenocid dhe shkatërrim masiv dhe ne jemi dëshmitarë që po ndodh live. Nga lumi në det, Palestina do të jetë e lirë”, ka shkruar ish-lojtari i Aston Villas.
Mainz fillimisht e pezulloi dhe e detyroi të fshinte mesazhin. Pas nëntë ditësh, drejtuesit e klubit gjerman morën vendimin përfundimtar për fatin e tij dhe vendosën ta debatojnë.
“El Ghazi mori një qëndrim për konfliktin Izrael-Palestinë që klubi nuk mund ta toleronte. Përfundimi u ra dakord pas një diskutimi të detajuar midis drejtuesve të klubit dhe lojtarëve. Mainz respekton perspektiva të ndryshme për konfliktin në Lindjen e Mesme, por distancohet nga përmbajtja e postimit, e cila nuk është në përputhje me vlerat tona”, kanë thënë në një njoftim klubi gjerman.
El Ghazi gjatë karrierës së tij ka luajtur në klube të ndryshme nëpër Evropë, ku më së shumti gjurmë la në Holandë sa ishte pjesë e Ajaxit./Telegrafi/