Megjithëse kryeson kampionatin dhe deri më tani nuk ka dalë asnjë skuadër që mund ti shkaktojë humbjen e parë, Prishtina, mbetet njëra ndër skuadrat më të padisiplinuara në Vala Superligë pas gjashtë javësh, shkruan Gazeta Sheshi.
Përgjatë këtij rrugëtimi, bardhekaltërit janë ndëshkuar 24 herë me karton të verdhë dhe dy herë me karton të kuq (pas dy të verdhëve). Interesant fakti është se dy futbollistët e Prishtinës, si Endrit Krasniqi po ashtu edhe Debatik Curri u përjashtuan nga loja gjatë një ndeshjes, atë në duel me Hajvalinë (3-0).
Për numrin e madh të kartonëve po shquhet edhe skuadra e Trepçës. “Xehetarët” janë zverdhur 17 herë këtë edicion, ndërkohë dy herë të tjera e kanë provuar edhe ngjyrën e kuqe.
Sa i përket skuadrave me numrin më të madh të vogël prin Besa e Pejës me vetëm 11 të verdhë dhe asnjë të kuq.