Jose Mourinho u shkarkua nga Roma derisa në Itali vazhdojnë të shkruajnë për këtë edhe pas tre muajve të kaluara.
Në mediat italiane u raportua se ishte një klan i futbollistëve të Romës që dolën kundër trajnerit portugez dhe pastaj klubi vendosi për shkarkimin e tij.
Megjithatë për këtë gjë ka folur një nga lojtarët e preferuar të portugezit, mesfushori Brya Cristante.
Mesfushori italian ka thënë se çdo gjë që është shkruar ka qenë e pavërtetë dhe se nuk kishte asnjë klan anti-Mourinho te skuadra kryeqytetase italiane.
“Nuk ka pasur asnjë klan anti-Mourinho te Roma. Janë të gjitha të pavërteta. Ne mësuam për shkarkimin e tij vetëm mëngjesin e ditës që klubi ia komunikoi zyrtarisht edhe vetë Mourinhos”.
“Nuk ka pasur asnjë konsultim me senatorët më parë dhe ishte një vendim i befasishëm edhe për ne. Natyrisht disa gjëra nuk po shkonin mirë dhe në situata të tilla, ai që paguan i pari është trajneri, ndonëse nuk ishte ai fajtori”, u shpreh Cristante.
Që nga ardhja e Daniele De Rossit në krye të Romës, gjërat kanë shkuar mirë për Giallorosët që tani po kërkojnë një vend që i dërgon në Ligën e Kampionëve sezonin e ardhshëm. /Telegrafi/