Koreja e Veriut ka forcuar kufijtë e saj për të ndërtuar një “mur mbrojtjeje” kundër pandemisë COVID-19, thanë të shtunën media shtetërore.
Sipas medieve të huaja, përcjell Telegrafi, Mbretëria Hermite ka rritur numrin e saj të rojeve dhe ishte “duke ndërtuar një mur të fortë mbrojtjeje në kufijtë e saj”, raportoi CNN, duke cituar Agjencinë Qendrore Koreane të Lajmeve të drejtuar, përcjell Telegrafi.
Vendi po punon gjithashtu për “heqjen e plotë të elementeve jo civilizuese dhe jo higjienike që mund të ndihmojnë në krijimin e hapësirës për përhapjen e një epidemie” gjatë dimrit, sipas raportit.
Këto masa thuhet se do të përfshijnë rregulla të reja në lidhje me daljen në det dhe mbledhjen e materialeve potencialisht të kontaminuara.
Madje zyrtarët e inteligjencës së Koresë së Jugut u thanë ligjvënësve se udhëheqësi i Koresë së Veriut Kim Jong-Un ndaloi peshkimin dhe prodhimin e kripës për të parandaluar infektimin e ujit të detit me virusin.
Ha Tae-keung, një nga zyrtarët e Koresë së Jugut që informoi për këtë çështje, tha se atij i ishte thënë se despoti po shfaqte “zemërim të tepruar” dhe po merrte “masa irracionale” mbi pandeminë dhe pasojat e saj ekonomike.
Masat e reja vijnë pavarësisht se Koreja e Veriut këmbëngul se nuk ka pasur një rast të vetëm me COVID-19, megjithëse ekspertët jashtë vendit kanë qenë skeptikë ndaj këtij pretendimi – duke theksuar se ajo ndan një kufi me Kinën, burimin origjinal të shpërthimit. /Telegrafi/