Kieran Trippier ka shpërndarë një klip qesharak në mediat e tij sociale ku shihet duke u zhveshur në shortse, ndërsa ua jep më pas edhe fanellën lojtarëve të Andorrës.
30-vjeçari, i cili filloi si mbrojtës i majtë për Tre Luanët në fitoren 4-0 të së dielës, shihet duke hequr fanellën dhe shortset teksa kalon pranë një radhe lojtarësh kundërshtar.
Pasi hoqi shortset për t’ia dhuruar një lojtari të Andorrës dhe dorëzoi fanellën tek një tjetër, Trippier mbeti vetëm në atlete.
“Po më mbaronin gjërat për t’i dhuruar!”, Trippier shkroi si titull për postimin e tij.
Ajo provokoi disa reagime të mëdha nga ndjekësit e mbrojtësit, me komentin më të mirë të lënë nga një tifoz ‘Kieran Strippier’.
Mbrojtësi i Andorrës, Marc Vales, i cili shkëmbeu shortset me Trippier, gjithashtu komentoi, duke thënë “Faleminderit për shkëmbimin. Është një ëndërr për ne të luajmë një lojë kundër jush”.
“Mezi pres të shihemi në Andorra muajin tjetër”.
Lojtarët që ndërrojnë fanella janë bërë diçka me të cilën janë mësuar tifozët, veçanërisht në fund të ndeshjeve ‘speciale’. Megjithatë, disa lojtarë, përfshirë Lionel Messin e PSG -së , kanë shprehur ngurrimin e tyre për ta bërë këtë, me argjentinasin që refuzoi një kërkesë nga anësori i Rennes, Mitchell van Bergen në debutim për klubin e tij të ri. /Telegrafi/