Nganjëherë është si dashuri në shikim të parë, sepse të gjithë janë të zakonshëm, por një shoqe e vetme është e tëra që të nevojitet.
Ndërsa, këto 20 fakte, e tregojnë nëse vërtetë e keni gjetur, transmeton Telegrafi.
1. Ju i tregoni njëra-tjetrës të njëjtin tregim për afro pesëdhjetë herë
E, gjithmonë ju duket interesant.
2. Të ka parë kur ke qenë më së keqi
Dhe ende të do.
3. Familja saj është edhe e jotja
Ju flisni hapur me prindërit e saj dhe shoqëroni me motrat e vëllezërit e shoqes, e madje ia njihni shumë mirë edhe dajat e tezet.
4. Koha nuk është me rëndësi
E kaloni kohën me nervozë duke e pritur dhe betoheni në heshtje, se nuk do t’i flisni më kurrë, por tashmë jeni mësuar me vonesën e saj dhe sapo ajo vjen, gjithçka harrohet.
5. Nuk ia vëni veshin gjërave të vogla
Harroni ta thërrisni për festa dhe nde nuk i keni blerë asgjë për ditëlindje, por për këto gjëra duhet të kujdesen tezet, apo jo?
6. Ajo ju ka dëgjuar që ankoheni për të njëjtin njeri për mijëra herë
Por, ju ende vazhdoni të ankoheni.
7. Heshtja është flori
Ju mund të flisni deri sa të zbardhë dita, por edhe sikur të qëndroni pa thënë asnjë fjalë, shoqja juaj nuk e ka problem.
8. Ajo ju blenë gjithmonë gjërat e juaj të preferuara
Familjarët dhe i dashuri, asnjëherë nuk iu kanë kënaqur me dhuratat e tyre, sikur ajo që ka sjellë shoqja e ngushtë.
9. Nganjëherë mendoni se keni qenë motra në jetën e kaluar
Jo se besoni në këso budallaqe, por se gjithçka shkon mirë në mes juve.
10. Ajo bën që gjithçka të jetë e këndshme
Prej pazarit në dyqan, deri tek vizita në supermarket, të gjitha tregimet që ajo i thotë, ty të tingëllojnë mirë.
11. Ajo ju ka gjetur edhe miq të tjerë të mirë
Njerëzit që e respektojnë atë, medoemos të respektojnë edhe ty, duke bërë që të jeni miq të mirë.
12. Lumturia e saj është edhe e jotja
Ju gëzoheni kur një shoqe diplomon apo martohet, por prapë e keni një dozë xhelozie. E, kjo nuk ndodhë me shoqen e ngushtë.
13. Ajo di gjëra për ty, që do të të fusnin në burg
Apo, së paku të të pushojnë nga puna.
14. Ju jeni njeri më i mirë kur jeni me të
E shoqërueshme, e lumtur dhe me më shumë vetëbesim – të gjitha falë pranisë së shoqes së ngushtë.
15. Të ka qëndruar afër në kohërat më të vështira
Është lehtë kur gjithçka shkon mirë. Ajo të ka qëndruar afër, kur ke qenë e sëmurë, e lodhur apo e palumtur.
16. Nuk duhet të ndryshoni
Mjafton të jeni vetja, sepse ajo tashmë ju njeh.
17. Ajo gjithmonë të tregon të vërtetën
Shoqet mund të mos tregojnë apo të mahiten. Por, ajo gjithmonë të tregon kur je duke e tepruar, apo se “nuk po të bëjnë këto rrobe”.
18. Pajtoheni se jeni ndryshe
Mund të punoni në profesione të ndryshme dhe të keni dëshira krejt të kundërta, por prap nuk ju pengojnë dallimet.
19. Gëzoheni sa herë që e shihni
Sa herë që e shihni, ju përjetoni një ngazëllim të brendshëm, por jo gjithherë e shprehni.
20. Nuk mund të paramendoni jetën pa të
Më nuk ju kujtohet se si ka qenë pa të, por e paramendoni vetën së bashku me shoqen, njëjtë si ato dy plakat e rrudhura në park. /Telegrafi/